Grischun Central - «Cas Falein» occuppa vinavant l’archeologia - Novitads

Grischun Central «Cas Falein» occuppa vinavant l’archeologia

Il cas ha procurà per lingias grassas: A Falein sur Filisur èn vegnids chattads skelets l’atun passà - skelets d'avant 1’200 onns. Il cas occupa vinavant l’archeologia.

Thomas Reitmaier, l’archeolog chantunal e l’antropologa Christine Cooper.

«Quest atun vulain nus ir a Falein e guardar, sche nus chattain ulteriura ossa en la terra», ha ditg Thomas Reitmaier, l’archeolog chantunal. Cun ulteriuras retschertgas speresch'ins da scuvrir dapli detagls davart ils skelets da Falein.

«Il chat en questa regiun isolada è impurtant per pudair perscrutar il passà, cura ch'i na deva betg anc scrittiras», uschia Reitmaier.

Tar duas da las trais persunas ch’èn vegnidas chattadas enfin oz, han ils experts pudì dir ch’ellas sajan mortas entras in crim.