Tenor la missiva da la regenza duai la nova praschun vegnir construida a Realta, en vischinanza directa dal bajetg giudizial existent e da la clinica psichiatrica Beverin. La praschun dal Sennhof vegn uschia serrada suenter radund 200 onns. Quest areal duai vegnir cedì a terzas persunas per in nov intent.
110 plazzas da lavur
La nova praschun vegn a dar lavur a circa 110 collavuraturas e collavuraturs. Da quai ston var 80 plazzas vegnir occupadas dal tuttafatg da nov – circa 30 plazzas existentas vegnan transferidas da la praschun dal Sennhof.
Cun las lavurs da construcziun dal stabiliment giudizial serrà a Realta duai vegnir cumenzà l'atun 2016, l'avertura è previsa il zercladur 2019.
Il cussegl grond vegn a tractar la fatschenta en la sessiun d'avust 2015.
RR novitads 10:00