En il center che vegn manà da la corporaziun per economisar ils ruments dal Grischun Central (Abfallverband Mittelbünden AVM) pon privats e firmas purtar tuttas sorts rument. Gronda paisa vegn mess sin il recicladi. Il bajetg ha survegnì da nov in grond tetg, autos pon passar tras il bajetg e sortir davos, uschia che nagin sto ir enavos cun l’auto tge ch’è pli segir en congual cun pli baud.
Pli baud in’ardera da rument
Il lieu a Realta sut gioga gia passa 50 onns ina rolla centrala per la dismessa da rument. Tranter ils onns 1971 e 1989 vegniva qua ars rument da la regiun ed a partir dals onn 1990 vegniva il lieu duvrà sco center da recicladi. Oz dat il center er suttetg a l’interpresa Bossi & Nicca, ch’ha qua sia basa per ils camiuns da rument per il Grischun Central.
-
Bild 1 von 5. Il center da recicladi a Realta Sut (vischnanca da Cazas). Bildquelle: RTR.
-
Bild 2 von 5. La vitgira massitscha vegn dismessa direct en quest container che va suenter en l'implant da Trimmis per arder rument. Bildquelle: RTR.
-
Bild 3 von 5. In camiun da rument en la garascha dal center da recicladi. Bildquelle: RTR.
-
Bild 4 von 5. Da san.: Silvio Kunfermann, il manader da fatschenta dal AVM, e Christian Theus, il president. Bildquelle: RTR.
-
Bild 5 von 5. Da san.: Silvio Kunfermann, il manader da fatschenta dal AVM, e Christian Theus, il president. Bildquelle: RTR.