Sco la Polizia chantunala scriva ha la stalla piglià fieu la dumengia a bun'ura a Cazas. L'alarm ha cuntanschì la polizia a las 10:40. Cura ch'ils pumpiers èn arrivads, brischava la stalla gia fermamain.
Ils pumpiers han pudì evitar ch'il fieu tschiffia la chasa daspera sco er il guaud. In helicopter ha sustegnì ils radund 70 pumpiers e pumpieras. Dentant è in container davos la stalla e dus autos sper la stalla vegnids donnegiads. La Polizia chantunala investighescha uss la causa da l'incendi.