La gievgia saira ha la radunanza da vischnanca da Lantsch approvà il contract da dretg da construcziun cun il segund interessent ils frars Alexander e Christoph Nadig da Lantsch. Ils dus frars vulan construir ina nova chasa Don Bosco per 2,7 milliuns francs ed els quintan cun circa 10’000 pernottaziuns ad onn.
Vinavant ha la maioritad da las 92 votantas e votants decis in credit sur 95’000 francs per preparar la zona da construcziun el quartier Pala. Er ha la radunanza communala decis ulteriurs credits. La megliuraziun totala da la vischnanca è en la fasa da planisaziun uschia ha la vischnanca decis in credit supplementar da 75’000 francs.
RR novitads 15:00