Siglir tar il cuntegn
Inhalt

Grischun Central Chantun vul restar a Tusaun

Era il chantun Grischun è pertutgà dal brischament grond a Tusaun da l’emna passada. Il program per dischoccupads duai dar era en l’avegnir en furma sumeglianta.

Pumpiers stizzan il fieu a Tusaun.
Legenda: Il brischament a Tusaun ha destruì la scrinaria che vegniva duvrada dal chantun. RTR, Federico Belotti

L‘Uffizi per industria, mastergn e lavur dal Grischun ha pers la scrinaria a Tusaun entras il brischament. Enfin 25 persunas lavuravan là en ateliers e lavuratoris. Differents da quels gidan actualmain a rumir il lieu dal brischament, auters n’han nagina lavur, ed anc auters visitan curs a Cuira. Sco quai che Willy Roth da l’uffizi per industria, mastergn e lavur ha ditg sin dumonda, vul el cuntinuar cun il program a Tusaun en la dimensiun usitada. Differents impressaris da Tusaun hajan fatg offertas per lur immobiglias. En bun dus mais pudessi dar ina soluziun.

RR actualitad 12:00