Siglir tar il cuntegn

Header

La vischnanca Albula/Alvra vul affitar l'immobiglia.
Legenda: La vischnanca Albula/Alvra vul dar a fit l'immobiglia. RTR/fb
cuntegn

Grischun Central Chasa da medis a Casti è anc adina vida

L’anteriura chasa da medis a Casti ch’è en possess da la vischnanca duai vegnir dada a tschains. La chasa dubla po vegnir duvrada sco chasa d’abitadi e sco chasa d’affars.

Sco quai che Giatgen Augustin, suprastant da la vischnanca Albula/Alvra ha ditg sin dumonda da RTR, haja la vischnanca chattà nagin medi che vuleva affittar la chasa per avrir ina pratica. Era ils ospitals da Tusaun e Savognin na sajan betg stads interessads vid ina collavuraziun, gnanc per singuls dis.

Ina chasa da famiglia ed in affar

Uss vul la vischnanca dar a fit omadus bajetgs, che cumpiglian ina chasa d’ina famiglia cun 5 ½ stanzas, sco era ina chasa per affars da 5 stanzas. Pussaivel saja per exempel da duvrar la chasa d’affars per in atelier ni per auters affars. Er per in dentist saja l’immobiglia adattada. Avant che laschar vid il bajetg, vegnia però er en dumonda da dar a tschains mo la chasa d’abitadi, uschia Giatgen Augustin. Da vender il bajetg na vegnia dentant betg en dumonda.

Immobiglia è vida suenter il 2013

Dapi l’atun 2013 è la chasa da medis vida. Suenter ina dispita da plirs onns cun l’anteriura vischnanca da Casti aveva il medi Bernd Hausmann bandunà Casti. Ses successur Dr. Stefano Bonazzi ha desditg la plazza anc durant il temp d’emprova l’atun dal 2014. Tenor infurmaziuns da Giatgen Augustin da la vischnanca Albula/Alvra, n’haja il medi gnanc entschet a pratitgar.

video
Il medi Bernd Hausmann banduna Casti
Or da RTR dals 18.03.2016.
laschar ir

Artitgels legids il pli savens

Scrollar a sanestra Scrollar a dretga