La chasa d’attempads ad Alvagni dat dimora a 28 persunas. Ella porscha ina plazza a 30 emploiads.
Patricia Rolinger surpiglia il directori da Barbla Truog ed Aldo Pitsch, il pèr ch’ha manà la chasa Envia suenter l’october 2017 ad interim. Sco quai che la chasa Envia scriva en ina communicaziun, sajan vegnidas inoltradas 22 annunzias.
La nova directura è maridada, mamma d’ina figlia e viva dapi 13 onns en la regiun. Dapi il 2010 lavura ella per il servetsch psichiatric dal Grischun a Tavau.