Ils purs da Savognin mainan actualmain la chascharia da Savognin. Quai suenter ch'ella è stada serrada dus onns cura che la Mifroma aveva visà il contract. Anc spetgan ils manaders dentant sin contracts cun ils gronds grossists.
Nagina cuntinuitad
Sco quai che Luzi Steier, il president da la societad da chascharia Savognin e conturn ha ditg envers RTR, hajan ils grossists sco Lidl, Coop e Migros adina puspè chaschiel da Savognin en lur sortiment, ma quai betg en la cuntinuitad giavischada. Enfin ussa na saja deplorablamain betg anc gartegià, da far in contract che garanteschia ina quantitad regulara pli gronda. Fitg bain mondien ils affars dentant en la butia da la chascharia. Il sustegn dals indigens saja grond, e la butia marschia anc meglier che pli baud, uschia Luzi Steier.
RR actualitad 17:00