Chaschiel da Surses - Chascharia Savognin spera sin contracts cun grossists
Passa dus onns è ella stada serrada, ella è vegnida renovada e dapi prest in onn mainan ils purs la chascharia da Savognin sin agen quint. La chascharia spetga ussa però anc sin contracts cun grossists.
Ils purs da Savognin mainan actualmain la chascharia da Savognin. Quai suenter ch'ella è stada serrada dus onns cura che la Mifroma aveva visà il contract. Anc spetgan ils manaders dentant sin contracts cun ils gronds grossists.
audio
Saira: Chascharia Savognin - tgi cumpra tut il chaschiel?
02:24 min, ord Actualitad dals 16.10.2019.
laschar ir. Durada: 2 minutas 24 Secundas.
Nagina cuntinuitad
Sco quai che Luzi Steier, il president da la societad da chascharia Savognin e conturn ha ditg envers RTR, hajan ils grossists sco Lidl, Coop e Migros adina puspè chaschiel da Savognin en lur sortiment, ma quai betg en la cuntinuitad giavischada. Enfin ussa na saja deplorablamain betg anc gartegià, da far in contract che garanteschia ina quantitad regulara pli gronda. Fitg bain mondien ils affars dentant en la butia da la chascharia. Il sustegn dals indigens saja grond, e la butia marschia anc meglier che pli baud, uschia Luzi Steier.
1 / 3
Legenda:
Luzi Steier, il president da la societad chascharia Savognin e conturn.
RTR, Federico Belotti
2 / 3
Legenda:
Luzi Steier, il president da la cooperativa dals purs, e Gion Plaz, il manader da la butia da chaschiel da Savognin.
RTR, Federico Belotti
3 / 3
Legenda:
La chascharia da Savognin è vegnida renovada l'onn passà.
RTR, Federico
