Siglir tar il cuntegn

Header

video
Chatschaders vulan duvrar telefonins senza restricziun
Or da Actualitad video dals 18.05.2015.
laschar ir
cuntegn

Grischun Central Chatschaders vulan duvrar natel senza restricziuns

En l’avenir duain chatschaders pudair duvrar il telefonin durant l’entir temp da chatscha. Quai ha decidì la radunanza da delegads da l’Uniun grischuna da chatschaders da patenta.

Sco quai ch’il president Robert Brunold ha ditg, na fetschia quai betg senn da scumandar insatge che na saja strusch pussaivel da controllar. Perquai saja quai meglier da legalisar il natel per tut il diever e da na betg pli restrenscher quel sin il diever privat sco enfin qua. La midada sto anc vegnir approvada da la regenza. Funcs vegnan però era en l’avegnir ad esser scumandads per motivs da chatscha.

Walter Candreia, il schefredactur da la revista Chatschader Grischun
Legenda: Il schefredactur dal Chatschader Grischun Walter Candreia avess gugent engrondì il format da sia gasetta. RTR, F. Belotti

Format da la revista resta pitschen

Plinavant han ils delegads da l’Uniun grischuna da chatschaders da patenta decidì, da laschar il format pitschen da la revista Chatschader Grischun. La suprastanza centrala aveva proponì, d’engrondir a partir dal 2016 il format da la gasetta. Far pli gronda la gasetta sin il format 210x280 mm avess chaschunà custs pli auts da l’abunament.

Definì temp da chatscha 2016

In’ulteriura decisiun è stà il termin per la chatscha da l’auter onn: Quella ha lieu dals 3-11 da settember cun ina interrupziun dals 12-18 da settember. Il segund bloc va dals 19-30 da settember cun pausa ils 18 da settember, il di da rogaziun.

Artitgels legids il pli savens

Scrollar a sanestra Scrollar a dretga