Siglir tar il cuntegn

Header

video
Alfons Cotti ha sviluppà ina atgna sella da chavals
Or da Telesguard dals 06.11.2019.
laschar ir. Durada: 3 minutas 53 Secundas.
cuntegn

Chavaltgar Re-inventar la sella da chaval

Chattar da cumprar ina sella ch'è confortabla tant per il chaval sco era per il chavaltgader è il mument anc ina sfida enorma. Pervi da quai ha il chavalier passiunà Alfons Cotti cumenzà a sviluppar sez ina sella tut speziala.

Lungas chavaltgadas èn la gronda passiun e per part era professiun dal pur Alfons Cotti sin l’Alp Flix. Ma enfin ussa n'ha el mai chattà ina sella ch'è tant agreabla da purtar per ses chaval sco era cumadaivla da seser per il chavaltgader. Cun prender dapart ina normala sella è vegnida ad el l’idea da sviluppar sez ina sella tenor sias visiuns.

Trais onns e 50 prototips

La via dal svilup è stada stentusa. Adina puspè è el vegni confruntà cun problems, ha stuì cumenzar da nov, far midadas ed empruvar ora. La finala han persvadì oravant tut duas chaussas. Per l’ina è la basa da mintga sella ina impronta ch’el fa vi dal dies dal chaval. Vul dir, ina sella che vegn fatga tar mintga chaval sin mesira. L’autra innovaziun è ina penna speziala che dat a la sella ina flexibilitad necessaria ch’il chaval sa chavaltgar senza sforz. In sistem che Alfons Cotti ha laschà patentar.

Pront per il commerzi n'è ella però anc betg. Da la vart dal chaval è Alfons Cotti cuntent. Vi dal confort dal chavaltgader vul el anc empruvar ora ina u l’autra modificaziun. La speranza è dad esser pront cun sia sella speziala sin la fin da l'onn.

Cur che mia sella è meglra che la mesadad da tut las sellas ch’ins po cumprar il mument sin la fiera, lura è ella pronta per ir en vendita.
Autur: Alfons Cotti pur da Sur

TR Telesguard 17:40

Artitgels legids il pli savens