Chor masdo Alvra - Suprastants duain surpigliar il presidi
Dapi 24 onns presidiescha Renata Geronimi il Chor masdo Alvra. Perquai che nagin vul surpigliar il presidi, duain las lavurs vegnir repartidas sin enfin set fin otg suprastantas e suprastants.
Ins saja sin buna via ed i para ch’i pudess proximamain dar ina soluziun per garantir a lunga vista il chor, ha ditg Renata Geronimi envers RTR. L’idea saja da reparter tut las lavurs sin la suprastanza, e da cuntinuar senza ina presidenta u in president.
Quai saja la meglra soluziun pussaivla, cunquai che nagin veglia surpigliar il presidi, uschia Renata Geronimi ch’è la fundatura dal chor ch’aveva pli baud anc num Chor masdo Alvagni.
