Christian «Hitsch» Weder - Prest quatter decennis pledader da sport
Igl è ina gronda passiun da Christian Weder (60) da Cuira. Dapi 39 onns è «Hitsch», sco ch’el vegn numnà da tuts, il «speaker» da bleras occurenzas da sport. RTR ha fatg ina visita al campiunadi mundial da biatlon dals juniors a Lantsch.
Legenda:
Christian "Hitsch" Weder en acziun al campiunadi mundial da biatlon a Lantsch.
RTR, Federico Belotti
2 / 7
Legenda:
Il speaker da l'occurenza ha ina bella vista ora sin il stan da sajettar da l'arena da biatlon.
RTR, Federico Belotti
3 / 7
Legenda:
En il container dal pledader lavuran era ils experts da video ed audio.
RTR, Federico Belotti
4 / 7
Legenda:
Qua survegn Hitsch Weder las instrucziuns per la proclamaziun dals rangs.
RTR, Federico Belotti
5 / 7
Legenda:
Era la proclamaziun dals rangs tutga tar la lavur dal speaker Hitsch Weder.
RTR, Federico Belotti
6 / 7
Legenda:
Durant la proclamaziun dals rangs da las junioras da biatlon.
RTR, Federico Belotti
7 / 7
Legenda:
Hitsch Weder a Lantsch.
RTR, Federico Belotti
El haja gia sco uffant entschet a commentar las cursas da skis davant la televisiun durant ils temps da Bernhard Russi e Marie Therese Nadig, di l’um da Cuira davart sia gronda passiun. Entschet sia carriera sco pledader haja el en il Grischun, e pli tard haja el era cumenzà a commentar occurrenzas da sport sur ils cunfins grischuns ora.
audio
Bunura: Il speaker da las cursas da bitlon Christian «Hitsch» Weder
00:36 min, ord Actualitad dals 31.01.2020.
laschar ir. Durada: 36 Secundas.
In sport favurisà n'haja el betg, mintga disciplina haja sia fascinaziun ed uschia commentescha l’um che lavura uschiglio tar la citad da Cuira tranter auter gieus da hockey, cursas da passlung, cursas da velo e bler auter. Pensà seriusamain vi dal chalar n’haja el era suenter prest 40 onns betg anc. Uschè ditg ch’el saja saun ed haja plaschair vi da la lavur dal speaker, uschè ditg vegnia el era a far questa lavur ch’è ina lavur da siemi per el.
