La radunanza communala ha approvà la gievgia saira tut ils affars cun gronda maioritad.
Quint 2015 serra cun gudogn
Uschia ha ella approvà era il quint annual 2015. Tar entradas da 15'125‘842.80 ed expensas da 15‘080‘492.22 serra quel cun in gudogn da 45‘350.58 francs. Las amortisaziuns extraordinarias muntan a 738‘842.95 francs. Il chapital agen che la vischnanca preschenta importa 16'149‘773.42 francs.
Runcalier - via libra per runcar dapli guaud
Medemamain approvà è il project d'avertura Runcalier. Quel pussibilitescha l’access a radund 250 hectaras guaud public e privat. El vegn a custar radund 5,16 milliuns francs. Da quels ha la vischnanca da pajar 1,27 milliuns.
RR novitads 12:00