Siglir tar il cuntegn

Header

audio
Bunura: Usits svanids – Il cilinder da chant da Bumaun a Savognin
Or da Actualitad dals 27.12.2019.
laschar ir. Durada: 03:21 minutas.
cuntegn

Cilinder da chant da Bumaun In vegl usit da Savognin ch'i na dat betg pli

Blers usits da pli baud èn vegnids mantegnids enfin oz. Ma i dat era quels usits, ch’èn svanids or da nossas vals. In da quels è l’usit ch’i deva a Savognin, nua che quatter mattatschs gievan tras vischnanca cun cilinders, giavischond in bun onn.

Ils quatter mattatschs ch'avevan da represchentar da Bavania ils sis da schaner ils Trais Sontgs Retgs ed il stailer, vegnivan en acziun gia da Son Silvester. Igl eran mintgamai ils quatter pli vegls mattatschs da la davosa classa, è da leger en il cudesch da l’istorgia da Savognin, cumparì l’onn 1988.

Scolast pensiunà sa regorda

Gionign Arpagaus da Savognin (68) sa regorda anc bain, sco scolar è el sez sa participà a quel usit. I saja stà bel da pudair ir en tut las stivas a chantar. Cura che l’usit che deriva probabel dals chaputschins è svanì na sa il scolast pensiunà betg. Svanì saja l’usit però cura che la scola haja surpiglià dals scolars l’organisaziun da l’usit dals Trais Sontg Retgs. Bain haja pli tard dà in’emprova da reactivar l’usit da Son Silvester e Bumaun, però cun pauc success. Suenter in temp saja l’usit puspè svanì.

Gionign Arpagaus sa regorda anc bain da l'usit cun ils cilinders.
Legenda: Gionign Arpagaus sa regorda anc bain da l'usit cun ils cilinders. RTR, Federico Belotti

RR actualitad 08:00

Artitgels legids il pli savens

Ir a sanester Ir a dretg