Siglir tar il cuntegn

Header

cuntegn

Claustra dominicana Cazas Sora Brigitte Schönenberger è nova priura

Las dominicanas da Cazas han elegì ina nova priura, sora Brigitte Schönenberger. Ella suonda a sora Agnes Brogli ch'ha cuntanschì il temp d'uffizi maximal da 12 onns. Quai scriva la «Südostschweiz» sin sia pagina d'internet.

Manà l'elecziun ch'è succedida tenor tradiziun a moda secreta ha l'uvestg Joseph Maria Bonnemain. La nova priura Brigitte Schönenberger a 63 onns ed è oriunda dal Toggenburg. Ella è la 39avla priura en l'istorgia da la claustra da Cazas.

Schönenberger è entrada en la vegliadetgna da 28 onns en la claustra da Cazas. Ella ha fatg ina scolaziun sco tgirunza da malsauns. Durant ses temp en claustra ha ella surpiglià la tgira da consoras, lavurà en l'internat da la scola Sontga Catharina, ed ha gidà da revitalisar ina claustra a Bludenz en il Vorarlberg.

audio
Per tadlar: las novitads da las 10:00
ord RTR Audio dals 08.01.2023.
laschar ir. Durada: 3 minutas 8 Secundas.

Novitads da las 11:00

Artitgels legids il pli savens

Scrollar a sanestra Scrollar a dretga