Siglir tar il cuntegn

Header

cuntegn

Grischun Central Club da curling Savognin cun giubileum radund

Avant 50 onns è vegnì fundà il Club da curling Savognin. Era tschintg decennis pli tard è il club anc adina activ ed envida mintga gievgia ad in turnier. Dumengia è stà in turnier da giubileum.

Il turnier da giubileum ha gì ina visita prominenta: Carmen Müller-Schäfer e Janine Greiner, duas campiunessas mundialas ch’èn sa participadas ad olimpiadas ed han gia gudagnà pliras medaglias tar il campiunadi d’Europa. Al turnier da giubileum èn sa participadas 10 squadras cun mintgamai quatter giugadras e giugaders.

Umens battan las dunnas

Gudagnà il turnier ha il team dal skip Romeo Giovanoli, ch’ha giugà cun Damian Dosch, Franz Koller e Marcel Plaz. Sin plazza dus è vegnì Florian Unterkalmsteiner (skip), cun Carlo Guetg e Fabian Huber. Sin plazza trais è Conrad Plaz (skip), cun Mia Guetg, Simona Behrens e Hans Trenkwalder.

video
Il club da curling Savognin en acziun
Or da Actualitad video dals 11.01.2016.
laschar ir

Per las campiunessas mundialas n’hai betg tanschì per in plazs sin il podest. Tenor il president dal Club da Curling Savognin, Conrad Plaz, haja quai da far cun las temperaturas chaudas dal suentermezdi, sch’hajan fatg grev da giugar. Sco quai ch’el scriva, fissi stà pli simpel da giugar sin in glatsch artificial. Il turnier saja però stà fitg bel ed haja plaschì a tuts, uschia Conrad Plaz vinavant.

Artitgels legids il pli savens

Scrollar a sanestra Scrollar a dretga