Siglir tar il cuntegn

Header

Navigaziun

Legenda: Tadlar il audio Mezdi: Agid per chasa da tgira en l'Ucraina. Durada 03:35 minutas.
Or da Actualitad dals 21.08.2019.
cuntegn

Grischun Central Club da Liuns Savognin/Surses e Lai gidan en l’Ucraina

Ils dus Clubs da Liuns organiseschan in project d’agid per ina chasa da tgira e persunas senza tetg en la regiun da Halych en l’Ucraina dal Vest. Il project vegn organisà ed accumpagnà dad «a enfin z» tras ils commembers – inclusiv il transport e la surdada da l’urden e dal mobigliar en l’Ucraina.

L’idea per quest project ha gì Peter Janutin, ch’è avant curt vegnì elegì sco nov president dal Club da Liuns da Surses/Savognin. Ch’ins gidia gist en l’Ucraina haja da far cun il fatg ch’il stadi gidia adina pli pauc ad instituziuns publicas. Plinavant hajan ins contacts persunals en l’Ucraina, uschia ch’ins haja chattà ina chasa da tgira adattada che dovria agid.

En la chasa da tgira a Bilshivski manchia surtut rauba medicinala sco letgs da tgira e mobiglia, ha ditg Peter Janutin. Ils 26 d’october datti a Cunter ed a Lai in di da rimnada, nua ch’i vegn era rimnà vestgadira. Il transport en l’Ucraina è planisà l’avrigl da l’auter onn.

RR actualitad 11:00