Siglir tar il cuntegn

Header

cuntegn

Collisiun frontala Manischunz surpassa auto sin A13

Mesemna saira hai dà ina collisiun frontala sin l'autovia A13 datiers da Medel en Valragn. Ina persuna saja sa blessada grevamain e la Rega haja transportà ella en l'ospital a Cuira, scriva la Polizia chantunala.

In auto da furniziun era da viadi en direcziun Tusaun ed ha surpassà in auto curt avant ina curva. El saja stà da l'avis d'esser sin l'autostrada e betg sin il traject da l'A13 be cun in vial, ha l'um da 62 onns ditg a la polizia. Sinaquai è el collidà frontal cun in automobilist da 20 onns che vegneva encunter. Entras la collisiun è il passagier vegnì serrà en en l'auto ed ils pumpiers d'Andeer han stuì deliberar el. Cun grevas blessuras ha la Rega sgulà el a Cuira. In segund helicopter ha sgulà l'auter automobilist cun levas blessuras en l'ospital a Tusaun.

La polizia ha accumpagnà il manischunz da l'auto da furniziun en l'ospital a Tusaun per controllas medicinalas.

RTR novitads 16:00

Artitgels legids il pli savens