Il Piz Beverin è in dals pli marcants pizs dal Grischun. Surtut la fin d’emna da bell'aura hai adina blera glieud sin il Piz Beverin. Il Radio Rumantsch vul savair: Co è quai durant l’emna, cura che blers chantuns han gia cumenzà cun la scola?
Mezdi: Arrivà sin il Piz Beverin, dentant cun ir vias pulainas
04:12 min, ord Actualitad dals 16.08.2016.
laschar ir. Durada: 4 minutas 12 Secundas.
Piz Beverin
Avrir la boxSerrar la box
Il Piz Beverin è 2’997 meters sur mar
Cunfin natiral è tranter las vischnancas Tschappina e Maton
Il num Beverin deriva da «bovarinum» u latin «bos» che munta bov: ins pudess era numnar el «piz bov»
El vegn usualmain chaminà dal Tavellas, da Maton u da Casti-Vargistagn
En il decurs da la damaun è il reporter Federico Belotti adina puspè da sentir en il Radio Rumantsch, nua ch’el rapporta da sia viandada e sias aventuras. Il Piz Beverin (2’997 meters sur mar) è cuntanschibel da la Val Schons e dal Pass da Tavellas (Glaspass).
Arrivà è Federico Belotti dentant cun duas uras retard. Da stgir è el numnadamain chaminà in pau fallà ed ha uschia fatg in pli lung viadi che quai ch’i era quintà. Durant l’emna na sajan era betg uschè blera glieud sin via sin il piz sco las fins d’emna. Uschia ha Federico Belotti dumbrà var 30 persunas sin il piz.