Per pudair consumar lur aua da baiver han ils da Veulden, Trans e Tumegl da buglir giu lur aua. Sco quai che la vischnanca da Tumleastga scriva sin la pagina d'internet hajan las fermas plievgias dals ultims dis probabel contaminà l'aua en pliras funtaunas.
Las examinaziuns hajan mussà diversas bacterias privlusas. Ils proxims dis vegnan nettegiads ils bischens e svidads ils reservuars. Ins quinta che l'emna proxima saja l'aua da baiver lura puspè en urden.
RR novitads 17:00