Siglir tar il cuntegn

Header

cuntegn

Grischun Central Consum surpiglia il buffet da Casti

La societad cooperativa Consum Alvra-Surses surpiglia il buffet da la staziun da Casti. Ils ustiers Johann e Susi Berri van en pensiun la fin dal mais, suenter avair manà tschintg onns l’ustaria.

Roman Brenn, il president dal Consum Alvra-Surses ha ditg, ch’ins possia cun il buffet da la staziun da Casti nizzegiar sinergias cun il tancadi e cun la butia che sa chatta visavi. Là sajan ins vegnì a la limita da las capacitads, surtut quai che pertutga il pitschen bistro dal tancadi.

audio
Consum è nov fittadin dal buffet da la staziun a Casti
ord Actualitad dals 24.04.2018.
laschar ir. Durada: 3 minutas 17 Secundas.

Il mais da matg vegn renovà

Tenor Roman Brenn duai era il kiosc dal buffet puspè vegnir reactivà. Là vul ins profitar da vender, dasper artitgels da kiosc, er souvenirs regiunals als blers turists che passan a Casti. Durant il mais da matg renovescha la Viafier retica, ch'è la locatura dal bajetg, ed a partir dal prim da zercladur duai il buffet puspè esser avert.

RR actualitad 11:00

Artitgels legids il pli savens