Siglir tar il cuntegn

Header

cuntegn

Grischun Central «Cooperaziuns èn impurtantas per il svilup d’ina vischnanca»

Tge fa attractiv il viver en las vischnancas da muntogna, e tge san’ins far cunter la depopulaziun? A Riom han las sis vischnancas dal Parc Ela sin invit dal parc natiral discutà sur da talas dumondas. In tema impurtant èn las cooperaziuns.

Sco referenta è stada preschenta la sviluppadra communala da l’Austria Gabriele Greussing. Ella ha ditg che la regiun dal Voralberg, nua ch’ella viva, saja sco il Grischun era ina regiun muntagnarda. Era tar els saja il turissem ina ferma part da l’identitad. Ma en il Vorarlberg dettia quai magari dapli cooperaziuns ch’en il Parc Ela. Talas cooperaziuns dettia quai per exempel tranter l’economia e la vischnanca, e tranter uniuns e la vischnanca. E quellas avrian novs potenzials en vischnanca.

audio
Mezdi: Schanzas per vitgs muntagnards
ord Actualitad dals 15.11.2018.
laschar ir. Durada: 3 minutas 27 Secundas.

Buna purschida en l'internet è impurtanta

Impurtant per attrair novs abitants en ina vischnanca saja era ina buna purschida en l’internet. A Savognin per exempel vesia ella anc potenzial. Uschia vegnian ins bain dalunga sin la pagina turistica da Savognin, sch’ins tschertgia en la rait, ma pir suenter pli lungas retschertgas chattian ins ora, che Savognin tutgia tar la vischnanca da Surses. E là vegnian ins sin l’emprima pagina infurmà davart dal concept da rument – e quai na saja franc betg quai ch’in nov resident veglia savair sco emprim, uschia Greussing.

Gabriele Greussing è sviluppara communala en il Vorarlberg.
Legenda: Gabriele Greussing è sviluppara communala en il Vorarlberg. RTR, Federico Belotti

RR actualitad 12:00

Artitgels legids il pli savens