Siglir tar il cuntegn

Header

cuntegn

Grischun Central Coss destrueschan prads a Sarn

Blers prads en il conturn da Sarn sin la Mantogna/Heinzenberg èn setgs. La culpa è il coss ch’ha donnegià quels cun magliar las ragischs da l’erva. Ils donns èn gronds.

Ferm pertutgà dals donns è il pur da Sarn Johannes Lanicca: «Radund 5 hectaras da mes terren èn pertutgadas. Jau quint cun in donn da radund 30’000 francs», ha el ditg envers RTR. La summa stimada cumpiglia tut las lavurs che ston vegnir fatgas ed era il fain che sto vegnir cumprà.

audio
Bunura: Sarn: Purs cumbattan ils coss
ord Actualitad dals 21.08.2018.
laschar ir. Durada: 2 minutas 34 Secundas.

Actualmain tractan ils purs ils prads contaminads cun ina sort bulieu, che duai sminuir la populaziun dals coss che maglian las ragischs. Ils coss naschan or dad ovs che vegnan mess dals baus dal matg en l’erva.

Cun quai ch’ils baus dal matg prefereschan temperaturas chaudas, n’èn els sur 1400 meters sur mar nagin problem. Ils prads contaminads sa chattan sin circa 1200 meters sur mar.

RR actualitad 07:00

Artitgels legids il pli savens