La fin d'emna ha l'Uffizi da construcziun bassa rumì tenor Dumeng Schreich, il geolog da l'uffzi, var 100 meters cubic crappa, quai ch'èn var 10 chargias da camiun.
La regiun suenter Calantgil /Innerferra curt avant il tunnel Sterlera è enconuschent sco zona instabila. Adina è crudà crappa. Avant dus onns hai dà ina crudada pli gronda.
L'Uffizi da construcziun bassa controllescha regularmain quella zona. Suenter la plievgia dals davos mais aveva quai puspè dà moviment. Per il mument saja la situaziun ruassaivla, ins stoppia dentant discurrer e decider mesiras. Quai pon esser raits da fier u schizunt gallarias.
Via è stada serrada plirs dis
En la Val d'Avras èn plirs 100 meters cubic crudads sin la via chantunala. Davant il tunnel da Starlera èn radund 50 meters cubic grip ids a val, ha communitgà l’Uffizi da construcziun bassa. Perquai è la via stada serrada durant plirs dis. Ina firma spezialisada ha schubregià la via, quai era cun far siglientadas. Las vischnancas han gì organisà ensemen cun la protecziun civila ina punt aviatica per il transport urgent da persunas.
