Grischun Central - Credit da 1.3 milliuns fatschenta la vischnanca da Surses
La vischnanca da Surses è s’inscuntrada cun ils iniziants da l’iniziativa che pretenda da sistir in credit da 1.3 milliuns francs ch’era vegnì approvà da la radunanza communala. Sche l’iniziativa vegn retratga u sche l’iniziativa vegn tractada da la radunanza communala, n’è betg anc decidì.
Sco quai ch’il president communal da Surses Leo Thomann ha ditg, sa disturbian ils iniziants surtut vi dal fatg, ch’i vegnia fatg naiv artifiziala a Savognin sco era a Rona. La vischnanca da Surses vul ussa agir vinavant cun il proceder da lubientschas per ils meglieraments dal traject a Rona. Tranter auter duai dar trais punts stablas.
audio
Mezdi: Rona – I vegn cuntinuà cun center da passlung
01:56 min, ord Actualitad dals 09.02.2018.
laschar ir. Durada: 1 minuta 56 Secundas.
Bajegià vegnia però pir cura ch’i saja decidì definitiv, sche l’iniziativa va davant il pievel. Tenor Leo Thomann pudess l’iniziativa ir a la radunanza communala anc avant las vacanzas da stad. Tenor la constituziun communala ha la vischnanca da Surses in onn peda da tractar l’iniziativa inoltrada. Sche quella è insumma valaivla è il mument intschert cun quai ch’ella cuntegn tschertas flaivlezzas en il text, che na defineschan betg cler nua ch'ils daners duessan vegnir investids. L'iniziativa propona ch'ils daners pudessan vegnir investids en in auter lieu.
Il text da l'iniziativa
Avrir la boxSerrar la box
Iniziativa ancunter la decisiun dalla radunanza communala digls 28 da november 2016 per en credit d’investiziun cumplessiv da 1’270’000 francs per en center da cursa lunga a Rona (realisaziun an 3 etappas da 2017-2019): Igls sotsignias pretendan per dalunga en stop da tottas investiziuns an connex cun igl center da cursa lunga a Rona. Perancunter proponan els da far las investiziuns per en center da cursa lunga e oter ple (per exaimpel sglatsch) agl territori da La Nars a Savognin e cotras nizzigier las infrastructuras gio existentas e ranfurzar igl centrum per sports d’anviern mademamaintg gio existent.
