Siglir tar il cuntegn

Header

Navigaziun

cuntegn

Grischun Central Cube Savognin – quo vadis?

Il futur dal hotel Cube è intschert. I dat interessents, ma quels na vegnan sez betg activs e n'èn er betg vegnids contactads.

Legenda: Tadlar il audio Mezdi: Co vinavant cun il Cube a Savognin?. Durada 04:33 minutas.
04:33 min, Actualitad dals 23.01.2019.

L'uniun d'albierts da giuventetgna fiss in candidat pussaivel per manar en futur l'hotel Cube a Savognin. Il directur ad interim René Dobler ha confermà sin dumonda da RTR: «Ina offerta concreta examinain nus da tut temp gugent». Il medem mument ha Dobler dentant er menziunà, ch'els na sajan betg anc vegnids contactads dal possessur dal hotel Cube.

Rudolf Tucek tascha

Il possessur Rudolf Tucek na respunda betg sin dumondas che pertutgan il futur dal pli grond hotel dal Surses. Empruvà dad intermediar gia l'atun 2018 ha Daniel Fischer, il president dal cussegl d'administraziun da l'organisaziun turistica. Il cussegl ha dentant decidì da betg pli investir il mument energias en ina chaussa ch'el na possia betg influenzar: «La balla è tar Rudolf Tucek».

RR actualitad 12:00