Siglir tar il cuntegn

Header

audio
Quadrins tar la canti a Cuira daventan alloschis per fugitivs
Or da Actualitad dals 09.06.2022.
laschar ir. Durada: 2 minutas 13 Secundas.
cuntegn

Cuira Quadrins per ils fugitivs da l’Ucraina

L’anteriur alloschi provisoric da la scola chantunala da Cuira dasper la Plessur duai vegnir duvrà per fugitivs. Sco quai che Marcel Suter, il manader a l’Uffizi da migraziun e protecziun civila ha ditg, haja il chantun suttascrit in contract da locaziun cun la Uffer SA da Savognin.

Quels moduls da lain che porschan alloschi a radund 80 persunas, èn il mument vids. Els sa chattan tranter la catedrala da Cuira e la Plessur. Durant dus onns han ils Quadrins temporarmain dà suttetg a radund scolaras e scolars dal convict, ch’è vegnì renovà. Per il cas che la situaziun cun la guerra en l’Ucraina avess da sa pegiurar, stessan ils Quadrins a disposiziun per fugitivas e fugitivs.

Chantun dovra dapli letgs

Il chantun ha il mument passa 1'100 letgs per fugitivs da l’Ucraina. Quel dumber vegnia enfin il settember schlargià sin 1'700. Tut tenor il svilup da la guerra en l’Ucraina stoppia il dumber da letgs vegnir augmentà sin 3'000 en il Grischun enfin la fin da l’onn, ha ditg il manader da l’Uffizi da migraziun.

Ils Quadrins a Cuira porschan plaz a radund 80 persunas.
Legenda: Ils Quadrins a Cuira porschan plaz a radund 80 persunas. Uffer SA

RTR actualitad 12:00

Artitgels legids il pli savens

Scrollar a sanestra Scrollar a dretga