Quest messadi na saja però betg in appel da far vacanzas sur Pasca en il Surses, precisescha il president communal Leo Thomann sin dumonda dad RTR. Bain veglian els far attent ils possessurs da segundas abitaziuns ch’els duain sa tegnair vi da las reglas, dentant:
Quels che vulan passentar lur temp en il Surses èn bainvegnids - en buns ed en nauschs temps
Chantun ha chapientscha
Sch'ina vischnanca beneventia ses giasts, lura hajan ins da la vart dal chantun ina tschertga encletga per quai. Uschia tuni sin dumonda dad RTR tar il post da communicaziun Coronavirus dal chantun Grischun.
En la situaziun extraordinaria che regia il mument sajan però tuts era perina, che tuts stoppian gidar a restrenscher il traffic ed uschia era gidar a franar ch'il virus sa derasia.
Autras regiuns èn pli scepticas
Il Surses para cunquai da persequitar in zic in'autra strategia ch'auter lieus grischuns. Savens è plitost stà d'udir quels dis vuschs criticas envers giasts che passentan il temp dal coronavirus en lieus turistics, qua in exempel da l'Engiadina:
