Cursa da velo Schons/Avras - Giubilars cuntanschan arrivada sut duas uras
Moritz Collenberg da Cuira e Marcel Bass d’Andeer èn ils sulets ch’èn sa participads a tut las 40 cursas. Els èn cuntents, ch’els han dumagnà la finamira da far in temp sut duas uras. Gudagnà la cursa ha Andrin Züger da Favugn cun 1:02:37. Tar las dunnas ha gudagnà Nicole Suter da Buchs cun 1:16:50.
Ils dus rumantschs ch’han fatg part a tut las cursas han ditg suenter la cursa ch’els sajan loschs d’esser stads da la partida a tut las cursas d’Andeer a Giuf. Moritz Collenberg ha gì 1:52:26 per ils 28 kilometers ed 1'100 meters d’autezza. Ses collega Marcel Bass è vegnì en l’arrivada cun in temp da 1:53:06. Era fatg part a la cursa ha il passlunghist Jonas Baumann da Tavau/Lon. El ha duvrà 1:08:57 per cuntanscher l'arrivada a Giuf. Da la partida èn stads radund 120 velocipedistas e velocipedists, tge ch'è dapli che l'onn passà.
Impressiuns da la cursa da dumengia
1 / 20
Legenda:
Impressiuns da la cursa da muntogna.
RTR
2 / 20
Legenda:
Impressiuns da la cursa da muntogna.
RTR
3 / 20
Legenda:
Er il passlunghist Jonas Bauman è stà a la cursa da velo.
RTR
4 / 20
Legenda:
Nicole Suter da Buchs ha gudagnà en la categoria da las dunnas.
RTR
5 / 20
Legenda:
Tuts vulan far ina fotografia davant la tavla da Giuf, era Jonas Baumann (en nair).
RTR
6 / 20
Legenda:
Gion Duri Cantieni (sanester) il «bab» da la cursa da velo d'Andeer a Giuf, salida Moritz Collenberg ch'è per la 40avla giada da la partida.
RTR
7 / 20
Legenda:
Ils dus collegas Moritz Collenberg (saneser) e Marcel Bass en l'arrivada a Giuf.
RTR
8 / 20
Legenda:
Marcel Bass vegn festivà.
RTR
9 / 20
Legenda:
En l'arrivada a Giuf.
RTR
10 / 20
Legenda:
Moritz Collenberg è arrivà a Giuf.
RTR
11 / 20
Legenda:
Moritz Collenberg (sanester) e Marcel Bass cun las dunnas.
RTR
12 / 20
Legenda:
Ricarda Michael, la figlia dal giubilar Marcel Bass.
RTR
13 / 20
Legenda:
Tar la partenza ad Andeer.
RTR
14 / 20
Legenda:
Da san.: Marcel Bass, Gion Duri Cantieni e Moritz Collenberg.
RTR
15 / 20
Legenda:
Fans lung da la via.
RTR
16 / 20
Legenda:
Moritz Collenberg en l'arrivada.
RTR
17 / 20
Legenda:
Il dominatur da la 40avla cursa d’Andeer a Giuf, Andrin Züger, sen la sia cursa solitaria.
FMR, Bartolome Tscharner
18 / 20
Legenda:
Las trais damas sin il podest: Larissa Tschenett da Cuira (2.), Nicole Suter da Buchs (1.) a Alia Pfiffner da Tavau (3.).
FMR, Bartolome Tscharner
19 / 20
Legenda:
Ils victurs dals umens da la categoria A: Kevin Zrcher da Zug (2.) ed Andrin Züger da Favugn (1.). I manca Riccardo Zacchi (3.)
FMR, Bartolome Tscharner
20 / 20
Legenda:
Ils uffants sa legran da pudair sa preschentar sin tribuna.
FMR, Bartolome Tscharner
Bleras bellas regurdientschas
Sin la dumonda tge che restia en fitg bella regurdientscha, han omadus ditg che quai saja stada la cursa da l’onn 1989, ch’era la cursa pli sperta en lur carriera. Da lez temp anc pli giuvens ed anc pli fits, haja gidà in vent che vegniva adina da davos, sa regorda Marcel Bass anc bain. El sez haja gì in temp dad in’ura e 18 minutas, Moritz Collenberg saja vegnì en l’arrivada a Giuf sin 2'126 meters sur mar ina minuta pli spert.
audio
Cursa Andeer-Giuf: Participants per la 40avla giada
03:15 min, ord Actualitad dals 09.08.2023.
Maletg: RTR
laschar ir. Durada: 3 minutas 15 Secundas.
Plaschair fetschia mintgamai era la rangaziun e la festa ch’i dettia ad Andeer, han ils dus umens pensiunads ditg, sche bain che pli baud nua che la festa haja anc gì lieu al Rain Posteriur, saja anc stà pli bel.
Impressiuns da pli baud
1 / 7
Legenda:
Questa fotografia obligata fan ils dus ciclists mintga giada a Giuf.
MAD
2 / 7
Legenda:
Marcel Bass (sanester) e Moritz Collenberg sin ina fotografia or da l'archiv.
MAD
3 / 7
Legenda:
Marcel Bass (dal maun dretg) e Moritz Collenberg sin ina fotografia or da l'archiv.
mad
4 / 7
Legenda:
Qua era Moritz Collenberg vegnì terz.
MAD
5 / 7
Legenda:
Marcel Bass durant ina da sias emprimas cursas d'Andeer a Giuf.
MAD
6 / 7
Legenda:
Qua vegniva anc festivà il giubileum da 25 giadas, oz èn quai gia 40.
MAD
7 / 7
Legenda:
Moritz Collenberg tar il Tgànt da Cresta durant ina da sias emprimas cursas d'Andeer a Giuf.
MAD
