Siglir tar il cuntegn

Header

cuntegn

Grischun Central Cussegl communal da Vaz approvescha nova lescha d'alp

Il cussegl communal da Vaz ha approvà per mauns da l'urna la revisiun totala da la lescha da funs, pastgira ed alps. La nova lescha prevesa, da fundar ina societad cooperativa, che prenda a fit las alps.

La lescha duai remplazzar quella dal 2004 e resguardar las cundiziuns da basa ch'èn sa midadas en l'agricultura ed en l'alpegiaziun.

Dapli daners per lavurs supplementaras en scola

Plinavant ha il cussegl communal adattà sin l'emprim d'avust 2015 il reglament per las indemnisaziuns da lecziuns da team e lecziuns da nivel da la scola da la vischnanca da Vaz. Per l'onn da scola 2015/16 vegnan mess a disposiziun bun 26'000 francs per remunerar prestaziuns supplementaras dals scolasts, ch'han scolars en classa che dovran in ulteriur sustegn pervi da flaivlezzas.

Approvà statuts Regiun Albula

En connex cun la refurma territoriala dal chantun Grischun èn vegnids approvads per mauns da l'urna ils statuts da la nova Regiun Albula, che duai cumenzar l'emprim da schaner 2016.

RR novitads 20:00

audio
Vaz survegn ina nova lescha d'alp
ord Actualitad dals 27.08.2015.
laschar ir. Durada: 53 Secundas.

Artitgels legids il pli savens