Siglir tar il cuntegn

Header

La chasa communala da Vaz a Lai.
Legenda: La chasa communala da Vaz a Lai. Nicole Trucksess
cuntegn

Cussegl communal da Vaz Model da direcziun per dapli professiunalitad

Il cussegl communal da Vaz ha approvà ina moziun che vul introducir il model da direcziun. Quai muntass che la vischnanca separass ils champs strategics ed operativs l’in da l’auter, e vegniss manada sco ina fatschenta privata, senza departaments classics ch'ins enconuscha.

Il pli tard il mars da l’auter onn duess vegnir votà davart igl model da direcziun, ha il chanzlist Johann Gruber ditg envers RTR. I saja impurtant da pudair tegnair en quest termin, perquai che las elecziuns communalas sajan planisadas per l’avust dal 2021. Ina cumissiun dal cussegl communal è gia elegida, quai èn Christoph Messmer e Dominik Büchler, dus dals sis moziunaris. Els elavureschan ussa in project da votaziun che prevesa ina revisiun da la constituziun communala.

La suprastanza communala da Vaz è per il model da direcziun. Quel saja pli effizient, cunquai ch’ils duairs strategics ed operativs fissan en l’avegnir reglads pli cler. En la constituziun pudessi dar anc in’autra midada: Anc quest mais duess vegnir votà davart ina prolungaziun da la perioda d’uffizi da trais sin quatter onns.

RTR novitads 12:00

Artitgels legids il pli savens

Scrollar a sanestra Scrollar a dretga