Siglir tar il cuntegn

Header

cuntegn

Grischun Central Cussegl communal da Vaz refusa preventiv

Pervi da diversas midadas tar las investiziuns ha il cussegl communal da Vaz refusà il preventiv dal 2018. La raschun è ch’il chantun ha spustà la renovaziun da la via tranter Parpan e Valbella sin l’onn 2019, tge ch’avess era chaschunà custs per la vischnanca.

Plinavant sa retarda il project per la construcziun d’ina nova chasa da parcar. Sco quai che Johann Gruber, il chanzlist da Vaz ha ditg sin dumonda da RTR, dettia uschia 1,6 milliuns francs damain investiziuns per l’auter onn. L’emprim duessan ussa vegnir fatgas las correcturas. Quellas vegnan preschentadas a la sesida dal cussegl communal extraordinaria dals 17 da november. La radunanza communala che tracta silsuenter il preventiv adattà, è vegnida spustada sin ils 18 da december.

Nagin «shopping» da Nadal

Plinavant ha il cussegl communal da Vaz tractà la lescha da firads. Butias cun excepziun da furnarias e conditorias duain era en l’avegnir stuair avair serrà durant ils firads uffizials. Quai èn venderdi sontg, dumengia da Pasca, dumengia da Tschuncaisma, il di da rogaziun ed il di da Nadal. La fatschenta va ussa per mauns da l’urna.

Artitgels legids il pli savens