Siglir tar il cuntegn

Header

La sesida dal cussegl communal ha gì lieu excepziunalmain en la halla polivalenta.
Legenda: La sesida dal cussegl communal ha gì lieu excepziunalmain en la halla polivalenta. RTR, Federico Belotti
cuntegn

Cussegl communal Vaz Lescha da turissem na persvada betg

Il sboz da la nova lescha da turissem da la vischnanca da Vaz sto vegnir surlavurà. Il cussegl communal da Vaz ha pretendì unanimamain, che la suprastanza communala va anc ina giada sur ils cudeschs.

Tranter auter vul il cussegl communal savair cun tge entradas supplementaras ch’igl è da quintar cun la lescha nova, plinavant duain las taxas dals alloschis da gruppas e manaschis da commerzi e mastergnanza vegnir definidas da nov. Era duai vegnir fixà, sin cura che la nova lescha duai ir en vigur. La nova lescha duai daventar ina lescha cuminaivla da l’entira destinaziun da Lai, e generar dapli entradas cun auzar tschertas taxas. Lantsch e Churwalden decidan anc quest mais davart la nova lescha da turissem.

Approvà quint annual

Plinavant ha il cussegl communal da Vaz approvà il quint da l’onn 2019. Quel serra cun in plus da passa 1,6 milliuns francs tar expensas da stgars 43 milliuns francs.

Artitgels legids il pli savens

Ir a sanester Ir a dretg