Siglir tar il cuntegn
Inhalt

Grischun Central Da 490 giu sin 220 letgs – Savognin e la largia tras l'Hotel Cube

Avant ch’il hotel Cube a Savognin è vegnì serrà avant in’emna aveva Savognin 490 letgs da hotel. Uss èn quai be pli 220 letgs che stattan a disposiziun. Quai vul dir ch’il Cube possedava 55% da tut ils letgs da hotel a Savognin. Ch'il Cube serra è stà ina surpraisa era per Grischun Vacanzas.

Legende: Video Savognin – senza l'Hotel Cube abspielen. Laufzeit 02:06 Minuten.
Or da Telesguard dals 26.09.2018.

Ch’il hotel ha serrà dad in di sin l’auter è stà ina gronda surpraisa per blers . Uschia era per Grischun Vacanzas. Tenor il directur Martin Vincenz n’haja el avant la serrada betg udì ch’il hotel da 13 onns fiss en privel da stuair serrar.

I saja dentant schon uschia che da manar in hotel en il Grischun saja magari pli difficil ch’en auters lieus da l’exteriur, tranter auter pervi dal ferm franc svizzer. Sche la serrada dal Cube ha dentant raschuns finanzialas n’è per il mument anc betg cler.

Nagin agid da Grischun Vacanzas

Grischun Vacanzas na po dentant betg far insatge per l'Hotel Cube:

Nus pudain be communitgar quai che nus avain en noss portfolio, quai ch’i dat – sco las destinaziuns, la viafier retica, las ustarias ed uschia enavant. Na datti ina purschida ina giada betg pli alura na pudain nus betg pli communitgar quai ed era per l’infrastructura na pudain nus far nagut.
Autur: Martin Vincenzdirectur, Grischun Vacanzas

Ins na possia betg diriger las fatschentas dals hotels. I saja er bun ch’ins na possia betg sa maschadar en lur affars, uschia Vincenz.

Ils letgs d'hotel en la regiun turistica Savognin Bivio Alvra en ina survista:

  • Cube: 270
  • Savognin: 490 (Cube ha 55% da tut ils letgs d'hotel)
  • Entira regiun turistica Savognin Bivio Alvra: 1150 (Cube ha 23.5% da tut ils letgs d'hotel)

Quai vul dir che Savognin n'è betg pli il lieu cun ils pli blers letgs en la regiun turistica Savognin Bivio Alvra:

  • Bivio 269
  • Savognin nov 220 (= 490-270 da Cube)
  • Casti 120
  • Tagn/Wiesen 88

RR actualitad 17:10