Da Savognin a Cunter - Suenter 60 onns fa la Scrinaria Arpagaus SA midada
La Scrinaria Arpagaus SA ha dischlocà da Savognin a Cunter en la zona d’industria. Suenter che l’interpresa saja stada 60 onns amez il vitg a Savognin, saja uss vegnì il temp da far midada, ha ditg Mitgel Arpagaus il manader da fatschenta. A Cunter dettia dapli spazi e maschinas pli modernas.
A Savognin sajan ins adina puspè vegnì a la limita da las capacitads cun quai che la scrinaria n’adempliva betg pli las pretensiuns dad ozendi, ha ditg Mitgel Arpagaus. Era l’access cun ils autos e camiuns na saja betg adina stà simpel.
Dapli glieud, dapli scolaziun
L’idea saja uss era d’augmentar il dumber d’emploiads dad oz sis sin otg fin diesch persunas. Dapli paisa vul l'interpresa metter en l'avegnir sin la scolaziun d'emprendistas ed emprendists.
A Cunter prenda Mitgel Arpagaus a fit la scrinaria dal nov possessur Luzi Thomann. Il mument vegn l’immobiglia anc renovada. A partir dal mars duess tut esser pront. Quella sa chatta en las localitads da l’anteriura interpresa da restaurar Von Büren – il possessur Fredy von Büren è ì en pensiun.
1 / 6
Legenda:
L'entrada da la scrinaira a Cunter.
RTR
2 / 6
Legenda:
Ussa datti dapli spazi per ils lavurants.
L'entrada en la scrinaira a Cunter.
3 / 6
Legenda:
Mitgel Arpagaus è dapi quatter onns il manader da la scrinaria Arpagaus SA.
RTR
4 / 6
Legenda:
La squadra,da san.: Thomas Poltera, Kimi Thomann, Fabio Stecher, Mitgel Arpagaus. Sin la fotografia mancan Flavia Demarmels e Martin Schmucki.
RTR
5 / 6
Legenda:
L'exposiziun da cuschinas al stradun a Savognin resta e vegn renovada.
RTR
6 / 6
Legenda:
Ils dis da la scrinaria a Savognin èn dumbrads.
RTR
Tge che capitia cun l’anteriura scrinaria a Savognin na sappia el betg anc. Tge che restia a Savognin saja l’exposiziun da cuschinas al stradun. Quella vegnia quest onn anc renovada.
