Siglir tar il cuntegn

Header

Navigaziun

La halla da producziun da fier d'armar da la firma Prevost SA a Tusaun.
Legenda: La halla da producziun da fier d'armar da la firma Prevost SA a Tusaun. RTR, Tona Poltera
cuntegn

Grischun Central Da Tusaun per l'entir Grischun

La firma Prevost a Tusaun è ina da las paucas firmas en il Grischun che furnescha fier d'armar en l'entir chantun. Profitar profitescha ella er dal fatg ch'autras firmas èn sa retratgas u pondereschan da sa retrair dal Grischun.

Il martgà cun fier d'armar na saja betg in lucrativ. Da quai era Oliver Hohl da la Weber SA a Cuira persvadì, cura ch'el ha surpiglià avant trais onns la Prevost SA e manà ensemen las dus firmas da tradiziun grischunas. Entant ha in concurrent bandunà il Grischun ed in segund pondereschia da far il medem.

Sco firma cun ragischs grischunas na vegn quest pass per nus dentant betg en dumonda.
Autur: Oliver HohlPrevost SA

La situaziun dad oz sa preschenta avantagiusa, manegia el. Ins saja creschì ils ultims trais onns e produceschia entant passa 12'000 tonnas fier d'armar ad onn. Il medem mument saja il martgà er fitg sensibel. Sco furnitur da la branscha da construcziun sajan els adina pli fitg dependents da lavurs dal maun public.

RR actualitad 11:00