La radunanza communala da Flerden ha reelegì Daniel Bürgi per in'ulteriura perioda d'uffizi. Medemamain reelegì è Tobias Häberle, nov en suprastanza communala è Michael Johanni.
Grazia al bun resultat da la selvicultura e pli autas entradas da taglia serra il quint annual 2016 da la vischnanca da Flerden cun in surpli da 64'000 francs.
L'illuminaziun da Flerden è vegnida renovada cun tecnologia dad LED. Er las novas glischs vegnan tschentadas giu cumplet la notg. Grazia a la tecnologia effizienta vegn il consum d'energia sbassà per 80%. Ils custs per la midada èn stads 20'000 francs.
Plinavant vegn inizià a Flerden ina via da funtaunas. Quai per tematisar l'aua da baiver ed il mantegniment dal bain cultural.
RR novitads 10:00