Siglir tar il cuntegn

Dapi 1949 Il pli vegl chatschader depona sia buis

Cun in taur-tschierv ha Dagobert Venzin terminà sia carriera da chatscha. L'um da Surava è stà cun ses 94 onns il pli vegl chatschader dal Grischun. Il Telesguard ha pudì visitar el a Cazas, nua ch'el abita anc adina en sia atgna abitaziun.

L'emprima giada ha Dagobert Venzin prendì la patenta da chatscha il 1949. El haja gì da respunder duas dumondas. E custà ha la patenta 68 francs e 50 raps. Dapi lu è el stà 70 giadas a chatscha auta. Era l'onn passà ha Dagobert Venzin prendì la patenta, ma dus dis avant chatscha ha el rut la spatla ed uschia stuì dar enavos la patenta. En tut ha el be manchentà quatter chatschas.

42 onns a chatscha cun il figl

Sco ch'el ha dastgà ha er il figl da Dagobert Venzin, Gerhard, prendì la patenta da chatscha. Dapi lu èn bab e figl adina ids ensemen a chatscha. A lur territori da chatscha èn els stads fidaivels. La Valetta da Mitgel han els visità 42 onns ensemen, ina cuntrada selvadia en la Val d'Alvra.

Impressiuns da la chatscha da Dagobert Venzin

RTR Telesguard 17:40

Artitgels legids il pli savens