El saja stà avant varga trent'onns l'emprim ch'haja producì «mini-donuts» en Svizra. Er bunamain trent'onns – cun excepziun da paucs onns – è Manfred Lüchinger cun ses stan da donuts, craclins, vin chaud ed autras mangiativas e bavrondas a la Cuppa Spengler.
In temp intensiv, bel e finanzialmain interessant
Durant quai temp giaudan el e ses collavuratur, che è medemamain in bun ami, l'atmosfera a Tavau tranter Nadal e Bumaun. Ma intensiv saja il temp tuttina, ils dis da lavurar cuzzian quasi adina pli ditg che 12 uras.
-
Bild 1 von 5. Uschia guardan ils «mini-donuts» ora. Suenter il frittar, vegnan els bagnads en zutger. Bildquelle: RTR, Pietro Jacomet.
-
Bild 2 von 5. Manfred Lüchinger (dretg) e ses collega en il stan. Bildquelle: RTR, Pietro Jacomet.
-
Bild 3 von 5. Il stan da donuts sa chatta gist tar ina entrada al stadion da la Cuppa Spengler. Bildquelle: RTR, Pietro Jacomet.
-
Bild 4 von 5. Ils donuts èn propi il product che Lüchinger venda il pli savens. Bildquelle: RTR, Pietro Jacomet.
-
Bild 5 von 5. Era donuts en grondezza usitada vegnan vendids. Quels datti differents gusts. Bildquelle: RTR, Pietro Jacomet.
Per motivs finanzials saja il temp da la Cuppa Spengler per el in temp interessant. Uschiglio charrescha el cun ses stand da festa a festa tras l'entira Svizra. Quant ch'el stoppia pajar per il plaz a Tavau e quant ch'el gudognia durant quel temp, na leva l'um da Montlingen dentant betg tradir.
RTR novitads 11:00