Siglir tar il cuntegn

Header

cuntegn

Grischun Central Dapli bau-scorsa en il Surses

En il Surses èn vegnidas pinadas radund 1'200 plantas pervi dal bau-scorsa. Quai èn dapli che auters onns. Per ils transports da laina è vegnì en acziun in nov tip da helicopter che po auzar enfin duas tonnas.

Sco quai che Pascal Murbach, il manader dal servetsch forestal ha ditg, hajan ins en lieus periferics gì da far transports cun il helicopter. Là, nua che las maschinas da guaud na pudevan betg charrar.

audio
Bunura: Savognin: Helicopter grond per cumbatter bau-corsa
ord Actualitad dals 15.08.2017.
laschar ir. Durada: 2 minutas 14 Secundas.

Perquai ch’igl haja gì bleras plantas cun gronda paisa, hajan ins decidì d'engaschar per l’emprima giada la firma Heli Air SA dal chantun Glaruna ch'ha in helicopter Bell 212. Quel po auzar plantas pli grevas che auters helicopters.

Bain saja quest helicopter in pau pli plaun, ma cun pudair transportar paisas pli autas saja el era pli effizient. Sco quai che Pascal Murbach ha ditg, possian ins però betg anc dir, sch’il helicopter vegnia puspè duvrà en l’avegnir. Ins possia decider quai pir, cura ch’il quint final saja sin maisa.

RR actualitad 08:00

Artitgels legids il pli savens