Siglir tar il cuntegn

Grischun Central Dapli naschientschas a Tusaun

L’ospital da Tusaun ha gì l’onn 2014 158 naschientschas. Quai èn quatter pops dapli che l’onn avant, che saja gia stà fitg cuntentaivel, è da leger en il rapport annual da l’ospital da Tusaun.

L'ospital da Tusaun
Legenda: L'ospital da Tusaun è cuntent cun la pitschna fluctuaziun da persunal. mad

Tar ils cas staziunars ha l’ospital gì 1’712 pazients l’onn passà, quasi medem blers sco in onn avant, quai malgrà pli paucs skiunzs l’entschatta da l’enviern e nagina unda da grippa. Fitg cuntentaivel saja la bassa fluctuaziun da l’ospital. L’onn 2014muntava la fluctuaziun da persunal 8.93%, tge che saja fitg bas, uschia l’ospital. Sco ch’i stat scrit plinavant en il rapport annual, saja la «baserate» anc adina in grond tema. Uschia na saja betg anc cler, tge tariffas che valian per cas staziunars en l’ospital.