Gia avant in onn ha Denise Dillier communitgà, ch’ella veglia s’orientar da nov professiunalmain e far ina pausa. Entschet a lavurar en la destinaziun turistica ha ella sco manadra da l’infurmaziun da giasts a Spleia l’onn 1995. Quatter onns pli tard è ella daventada directura da Spleia-Valragn turissem. En questa funcziun è ella s’engaschada tranter auter per il process da refurmar dad otg uniuns da cura in'organisaziun regiunala – Viamala Turissem. Era la senda da viandar a lunga distanza «Via Spluga» è vegnida introducida durant il temp da Denise Dillier.
RR actualitad 12:00
