Siglir tar il cuntegn

Grischun Central Destinaziun da Lai noda 1,7% dapli pernottaziuns

La regiun da vacanzas da Lai ha per la prima giada dapi 6 onns pudì registrar passa 1,5 milliuns pernottaziuns. Quai è in plus da 1,7% cumpareglià cun l’onn avant.

Lai ord la perspectiva da l'utschè.
Legenda: La regiun da vacanzas da Lai ha fatg ina svieuta da 5,55 milliuns francs. Keystone

Il quint da l’onn da fatschenta 2014/15 serra cun ina svieuta da 5,55 milliuns francs ed ina perdita da 1’417 francs, communitgescha la Lenzerheide Marketing und Support SA.

A la radunanza generala han ils acziunaris plinavant elegì Ernst Wyrsch sco nov president dal cussegl d’administraziun. Wyrsch remplazza uschia Roland Zegg ch’ha timunà la societad dapi sia fundaziun avant 6 onns.

RR novitads 10:00