Siglir tar il cuntegn

Header

cuntegn

Grischun Central Di da las portas avertas dal nov tunnel da l’Alvra

La Viafier retica envida proxima sonda al di dal plazzal avert. A Preda e Spinas vegn il public interessà ad avair la pussaivladad da dar in sguard en las lavurs actualas. Spezialmain las lavurs da schelar il grip da la zona da disturbi «Raibler Rauwacke» vegnan a procurar per egls gronds.

«L'interess per las lavurs vi dal nov tunnel da l’Alvra da la Viafier retica è da l'entschatta davent grond» di la pledadra da medias Yvonne Dünser. Per la Viafier retica è quel di ina buna chaschun per mussar al public interessà quai ch'ils visitaders da l’arena d'infurmaziun na vesan uschiglio betg.

audio
Saira: Viafier retica envida sin il plazzal da l'Alvra
ord Actualitad dals 08.09.2016.
laschar ir. Durada: 2 minutas 35 Secundas.

Per il mument è la lavur principala quella da schelar il grip da la zona da disturbi «Raibler Rauwacke». Il november duess il grip esser stabil avunda per cuntinuar cun l’avanzament.

Il pli grond plazzal dal Grischun tragutta 345 milliuns francs. Il segund tunnel da l’Alvra duess esser a fin il 2022.

Artitgels legids il pli savens