Siglir tar il cuntegn
Inhalt

Grischun Central Dietsch: «En media in lieu da delict al mais da schubregiar»

Dapi bun in onn e mez ha Corina Dietsch da Casti in affar che schubregia lieus da delict. Ella vegn clamada là, nua che persunas èn mortas, per schubregiar. En media ha ella ina incarica al mais. Viver na sa ella betg da questa lavur, perquai lavura ella anc sco pedella.

Legende: Audio Mezdi: «Tatortreinigung Dietsch» schubregia lieus da delict abspielen. Laufzeit 02:52 Minuten.
02:52 min, Actualitad dals 12.03.2018.

Sco quai che Corina Dietsch ha ditg, na vegnia ella betg clamada da la polizia, mabain dals parents da la persuna ch’è morta. Firmas da schubregiar na sajan betg adattadas per schubregiar lieus da delicts u là, nua ch’insatgi è vegnì chattà mort en chasa. I dovria ina scolaziun speziala, ed era vestgadira da protecziun. Plinavant dovria quai meds da nettegiar spezials per la lavur.

Sin l’idea dad avrir l’affar «Tatortreinigung Dietsch» è ella vegnida tar la Polizia chantunala, nua ch’ella ha lavurà sco policista. Ella haja vis che betg mintgin saja fatg per schubregiar lieus, nua ch’igl haja dà mortoris. Cun ses sindrom da gidar saja ella la dretga persuna per ina tala lavur, ha ella declerà.

RR actualitad 11:00