Sco l'uniun Skateline scriva, dettia grondas differenzas tranter las prescripziuns da las leschas e tge che saja raschunaivel per els sco uniun. Tranter auter dettia novas prescripziuns puncto lescha da protecziun da las auas ed era en connex cun reglar il traffic. Il problem saja cunzunt il reglar il traffic, quai che pretendia dapli persunal. Per l'uniun che che fa per gronda part da lavur voluntara, fiss quai da memia.
Dilemma per l'uniun
Per In dilemma per l'uniunl'uniun saja la situaziun actuala in dilemma. Ella vul analisar la situaziun e sclerir, sche la Skateline po en il futur puspè avrir. Rico Liesch, suprastant da la vischnanca Alvra e responsabel per il ressort turissem ha ditg, ch'el deploreschia che la Skateline restia serrada l'enviern proxim. El haja cartì ch'ins haja chattà ina buna soluziun cun spustar tscherts bajetgs d'infrastructura sco garderobas u tualettas da l'auter maun da l'Alvra. Per Giorgio Bossi il president da l'uniun Skateline Alvra è quai però nagina soluziun. Ils «skaters» portan pattinas ed igl è grev da traversar cun quellas la punt da l'auter maun. Ussa veglia l'uniun discutar cun las uniuns da turissem da la regiun e guardar, tge soluziun che quellas giavischassan. Bossi spera ch'ins possia avrir la Skateline puspè l'enviern 2023/24.
Gia ils envierns passads è la Skateline stada serrada
La via da glatsch tranter Alvagni e Surava è restada serrada er l'enviern 2021. Cuntrari a l'onn avant però betg pervi da la pandemia mabain pervi d'ina dispita tranter la vischnanca d'Alvra e l'uniun che maina la purschida.
Raschun per la dispita è stà il concept da manaschi per la «Skateline». Suenter che vischinas e vischins eran sa lamentads che la via saja daventada in disturbi, ha l'uniun inoltrà il zercladur 2020 in concept a la vischnanca. La resposta da la vischnanca è dentant pir vegnida l'october 2021. Pia 15 mais pli tard.
En quella resposta ha la vischnanca dentant pretendì ch'i vegnia fatg tschertas midadas per lezza stagiun. Latiers vai sur tut per ils bajetgs che vegnan montads temporar. Quels na correspundian per part betg a las ordinaziuns per la protecziun da las auas. Daniel Albertin ha confermà envers La Quotidiana che la resposta haja duvrà memia lung, declera però ch’il concept inoltrà aveva problems che la vischnanca n'haja betg pudì schliar.
Prescripziuns sco la zona da protecziun d’aua n'èn betg nossa responsabladad, mabain quella dal chantun. Nua che nus essan responsabels, essan nus era pronts da chattar soluziuns.
L’unic giavisch che la vischnanca aveva era da reorganisar il traffic. Per chattar soluziuns eran ils d’Alvra tenor Daniel Albertin pronts, dentant duain tuttas e tuts ch’èn involvids esser cuntents.
En uschè curt temp n’avain nus betg pli pudì chattar ina soluziun adattada per questa stagiun. La Skateline resta serrada.
Per far las midadas hajan ins dentant gì memia pauc temp, crititgescha l'uniun. A la radunanza generala ha il president da la «Skateline», Giorgio Bossi, perquai era fatg reproschas a la vischnanca, ch'ins haja spetgà memia ditg cun la resposta.