Siglir tar il cuntegn
cuntegn

Grischun Central DJ austriac collavura cun chors da Schons

Il DJ austriac Richard Dorfmeister visita la Val Schons. Ensemen cun il «Cor maschado Donat a danturn» ed il «Cor maschado calandria» datti ils 15 da november in concert cuminaivel, in mix cun musica da chor e musica electronica.

Legenda: Guardar il video Maschadar Tumasch Dolf cun musica electronica. Durada 03:17 minutas.
Or da Telesguard dals 13.11.2018.

Il project cuminaivel sa basa sin in’idea dal Parc natiral Beverin. En connex cun l’acziun dals parcs svizzers «Kleine Weltwunder», duai la tradiziun da chant rumantscha vegnir cumbinada cun musica moderna. Richard Dorfmeister da Vienna che viva a Turitg è il cun-fundatur dal duo da musica electronica «Kruder & Dorfmeister». Il concert è ils 15 da november en la baselgia d’Andeer. Da la chanzun Las Stailas che vegn interpretada da nov, vegn era producì in disc cumpact.

Dolf e Dorfmeister en ina producziun

La musica da chant dals chors deriva or da la plima da Tumasch Dolf, il text dad Alfons Tuor da Rabius. La cumposiziun «Allas Steilas» è ina da las pli enconuschentas chanzuns dals dus defuncts.

RR actualitad 11:00