Siglir tar il cuntegn

Header

cuntegn

Donat Emprim di da scola: L'entschatta è gartegiada

Suenter set emnas vacanzas ha cumenzà a Donat puspè la scola. 30 scolaras e scolars visitan a partir dad oz puspè la scola rumantscha sutsilvana. Per tschintg uffants è oz l’emprim di da scola.

Pervi da las restricziuns en connex cun il coronavirus ha la scola supplitgà ils geniturs da na betg vegnir en scola. In’excepziun hai dà per ils geniturs cun ils uffants da l’emprima e da la segunda classa. Els èn vegnids beneventads da la scolasta Gierina Michael sin la plazza da scola. Là èn ils scolars sa preschentads ed han purtà craps ch’els han rimnà durant lur vacanzas da stad. Suenter buns giavischs han els entschet cun l’emprima lecziun.

Geniturs èn cuntents

Ils geniturs ch’èn vegnids en scola han ditg ch’i saja bel ch’els hajan pudì vegnir sin plazza da scola malgrà il coronavirus. I saja schon stà impurtant dad accumpagnar ils uffants durant lur emprim di da scola insumma. Blers uffants han ditg ch’els sajan leds che la scola haja puspè entschet, per tscherts èsi gia stà lungurus da star a chasa. Auters puspè èn ids a far fain durant lur vacanzas ed han uschia gì pli pauca lungurella, è sta da sentir sin plazza da scola.

RTR actualitad 07:00

Artitgels legids il pli savens

Scrollar a sanestra Scrollar a dretga