Grischun Central - Dorfmeister & Dolf: Baselgia plaina per l’experiment ad Andeer - Novitads

Grischun Central Dorfmeister & Dolf: Baselgia plaina per l’experiment ad Andeer

Gievgia saira hai dà in concert nunusità en la baselgia d’Andeer. Il DJ austriac Richard Dorfmeister ha preschentà in concert cuminaivel cun il «Cor maschado Donat a danturn» ed il «Cor maschado calandaria». Musica electronica e musica da chors è vegnida interpretada da nov.

Autur: Federico Belotti

Ch’il toc ha plaschì demussa il grond applaus a la fin dal toc ch’ha cuzzà radund diesch minutas. Dal toc datti era ina disc cumpact ed ina versiun da radio.

audio

Mezdi: DJ Dorfmeister en concert cun chors da la Val Schons

ord Actualitad dals 15.11.2018.

laschar ir. Durada: 3 minutas 24 Secundas.

Idea dal Parc Natiral Beverin

Il project cuminaivel sa basa sin in’idea dal Parc natiral Beverin. En connex cun l’acziun dals parcs svizzers «Kleine Weltwunder», duai la tradiziun da chant rumantsch vegnir cumbinada cun musica moderna. Richard Dorfmeister da Vienna che viva a Turitg è il cun-fundatur dal duo da musica electronica «Kruder & Dorfmeister».